International Academy of Education

www.academedu.org

Հիմնական

Ֆակուլտետներ

Ամբիոններ եւ անձնակազմ

Ուսանողական խորհուրդ

Շրջանավարտներ

Գրադարան

Իրադարձություններ

2010թ.ապրիլի 21-23-ը տեղի ունեցավ "Ուսուցումը Հայաստանում 2010" միջազգային ավանդական 9-րդ ցուցահանդեսը, որին ներկա էր նաև ՀՀ Կրթության և գիտության նախարար Արմեն Աշոտյանը

Ցուցահանդեսը հնարավորություն է տալիս բոլոր ուսումնական հաստատություններին ներկայացնել սեփական ձեռքբերումները, օգնում շրջանավարտներին մասնագիտական կողմնորոշման, կրթական ծրագրերի ու ծառայությունների հիմնավորված ընտրության հարցում:

2010թ. մարտի 26-ին կայացավ " Ոճը հեռուստաէկրանից" մրցանակաբաշխությունը, որտեղ "Ամենաոճային կին գործարար" անվանակարգում հաղթող ճանաչվեց ԱՆԱՀԻՏ ԼևՈՆԻ ՀԱՐՈՒԹՅՈՒՆՅԱՆԸ

Նոյեմբերի 5-ին Բարգավաճ Հայաստան կուսակցության նախագահ Գագիկ Ծառուկյանը հյուրընկալվել էր Կրթության Միջազգային Ակադեմիայի մաս կազմող "Հայբուսակ" համալսարանում:
Միջոցառմանը ներկա էին Աժ փոխխոսնակ Արևիկ Պետրոսյանը, ՀՀ քաղաքաշինության նախարար Վարդան Վարդանյանը, ՀՀ Աշխատանքի և սոցիալական հարցերի նախարար Գևորգ Պետրոսյանը, Աժ պատգամավորներ և բարձրաստիճան հյուրեր:

Գագիկ Ծառուկյանը շրջեց համալսարանում, այցելեց "Հայբուսակի" բազային պոլիկլինիկա, ծանոթացավ պայմաններին: Այնուհետև հանդիսավոր պայմաններում մասնակցեց "Հայբուսակ "համալսարանի մարզադահլիճի բացման արարողությանը:

Բուհի ուսանողական պառլամենտի կողմից "Հայբուսակ" համալսարանի պրոռեկտոր Վահե Էնֆիաջյանը Գագիկ Ծառուկյանին հանձնեց պատվոգիր հայկական սպորտում մեծ ավանդ և արգասաբեր գործունեություն ծավալելու համար:

Կրթության Միջազգային Ակադեմիայի տնօրենների խորհրդի նախագահ ԱՆԱՀԻՏ ԼևՈՆԻ ՀԱՐՈՒԹՅՈՒՆՅԱՆԸ իր խոսքում նշեց, որ համալսարանում բարի ավանդույթ է ձևավորվել ազգի բացառիկ նվիրյալներին Կրթության Միջազգային Ակադեմիայի պատվավոր դոկտորի կոչում շնորհելը: Գագիկ Ծառուկյանը այն եզակիներից մեկն էր, որին շնորհվեց պատվավոր դոկտորի կոչում և Մեսրոպ Մաշտոցի անվան ոսկեմեդալ:

2009թ. մայիսի 16-ին "Հայբուսակ" համալսարանում կայացավ "Խելահեղ նամակներ խելահեղ սիրո" խորագրով միջոցառում, որն ընդգրկում էր 18-20-րդ դարերի քաղաքական գործիչների սիրային նամակները, բանաստեղծությունները, խոհերը:
Ներկայացված այլազգի ու մեծահամբավ անհատների կյանքի այնկողմնային ախարհի հետ ունկնդրի հաղորդակցումը խիստ հետաքրքրքահարույց է:
Գրական ցերեկութը հատկորոշող ու խորհրդամղող էր բոլոր նրանց համար, ովքեր այլ կերպ են պատկերացրել մեր մեծերին Նապոլեոնին, Բալզակին, Պուշկինին ու այլոց կամ նրանց անձնական մարդկային նկարագրի մասին քիչ են տեղեկացվել:
Իսկ նամակները գործչի, գեղագետի հոգու հայելին են:

Այս տարի հունվարի 29-31 Բելգրադում տեղի ունեցավ Սևծովյան տնտեսական համագործակցության երկրների դիպլոմատիկ Ակադեմիաների ռեկտորների առաջին համաժողովը: Հայաստանի Հանրապետությունից միակ ներկայացուցիչը համաժողովին մասնակցում էր Կրթության Միջազգային Ակադեմիայի տնօրենների խորհրդի նախագահ Անահիտ Հարությունյանը: Նա ներկայացրեց Ակադեմիայի Հայկական Բաց համալսարանի, Լազարյանի անվան ինստիտուտում գործող միջազգային հարաբերություններ, արևելագիտություն մասնագիտության արդի վիճակները, խնդիրները և տենդենցները: Համաժողովին մասնակցում էին Սերբիայի, Ալբանիայի, Հունաստանի, Ռուսաստանի, Ուկրաինայի, Բուլղարիայի, Ռումինիայի, Թուրքիայի, Ադրբեջանի աշխարհի Արտաքին Գործերի Նախարարության դիվանագիտական ակադեմիաների ռեկտորները: Հանդիպումը նպատակ ուներ ստեղծել հռչակագիր համաձայն որի անդամ երկրների դիվանագիտական ակադեմիաները պետք է համագործակցեն ուսանողների փոխանակման, դասախոսների վերապատրաստման, առարկայական ծրագրերի և ուսումնական պլանների բարելավման, նաև համատեղ գիտական աշխատանքների և գիտական կոնֆերանսների կազմակերպման հարցերով:

Այս տարվա հունիսի 1-ին Միջազգային Ինֆորմատիզացիայի Ակադեմիայի կողմից Ակադեմիկոսների կոչումներ շնորհվեցին Կրթության Միջազգային Ակադեմիայի պրեզիդենտ Լևոն Հարությունյանին, Երևանի "Հայբուսակ" համալսարանի ռեկտոր Անահիտ Հարությունյանին, համալսարանի գիտական խորհրդական Մարտին Աբրահամյանին: Ինֆորմատիզացիայի Ակադեմիայի պրեզիդենտ Աշոտ Վարդանյանը իր խոսքում նշեց, որ Ինֆորմատիզացիայի Ակադեմիայի համար հատկապես կարևոր է ընդգծել գիտության մեջ նվաճումներ ունեցող անձանց անդամակցությունը:

"MANUFACTURE: Ժամանակակից Արվեստի և Արհեստի օրերը Ունկապանեում" նախագիծ

Արմինե Հովհաննիսյանը, որը ավարտել է Հայկական Բաց Համալսարանի կերպարվեստի ֆակուլտետը, 2007 թվականի օգոստոսի 7-ից մինչև սեպտեմբերի 14-ը Ստամբուլի Բիլգի Համալսարանի հրավերքով մասնակցել է "MANUFACTURE: Ժամանակակից Արվեստի և Արհեստի օրերը Ունկապանեում" նախագծին: Նախագծի նպատակնն էր վերաիմաստավորել Ունկապանեն /արհեստավորների թաղամաս Ստամբուլում/ արվեստի և արհեստի միջոցով: Նախագծին մասնակցում էին երիտասարդ արվեստագետներ և տեսաբաններ Թուրքայից, Վրաստանից և Հայաստանից, որոնք շուրջ 40 օր աշխատում էին Ունկապանեում աշխատող արհեստավորների հետ: Նախագծի վերջում Ունկապանեում տեղի ունեցավ բացօթյա ցուցադրություն:

Արմինե Հովհաննիսյանը 2007 թ. արժանացել է ՀՀ նախագահի մրցանակին:

2009թ.Սեպտեմբերի 17-ից 19-ը կայացավ "Հայբուսակ"համալսարանում Միջհամալսարանային բժշկական գիտաժողով Երևան-Մարսել

Նոր` 2010 Ուսումնական տարին "Հայբուսակ" համալսարանում

Վարդուհի Վարդերեսյանի այցը "Հայբուսակ" համալսարան

Հանդիպում դասախոսական կազմի և ուսանողների հետ

Ֆիրդուսին նվիրված "Շահնամի"գրքի շնորհանդես Լազարյան ինստիտուտում

Իրանի դեսպանի կողմից գրքի առաջին նմուշի շնորհումը համալսարանի ռեկտորին:

Իրանի դեսպանի կողմից պատվոգրի շնորհումը ֆակուլտետի դեկանին

"Տարվա Ինտելեկտ" 2009 մրցույթ- փառատոնը կայացավ նոյեմբերի 17-ին: Մրցույթ - փառատոնին մասնակցում էին ՀՀ պետական և մասնավոր ԲՈՒՀ-երի ուսանողներ: Մասնակիցները պարգևատրվեցին, իսկ առաջին, երկրորդ և երրորդ տեղերը զբաղեցրած մասնակիցները ստացան հատուկ մրցանակներ, ընտրվեցին նաև միս և միստր ինտելեկտ:

"Տարվա ինտելեկտ" մրցույթ -փառատոնը հնարավորություն է ընձեռնում երիտասարդներին մեկ անգամ ևս բացահայտել իրենց գիտելիքները և ինտելեկտը:

2009թ.Նոյեմբերի 6-8-ը ՄԱԿ-ի Զարգացման ծրագրի ֆինանսավորմամբ և Ամերիկյան իրավաբանների ընկերակցության ղեկավարությամբ Ծաղկաձորում մեկնարկեց "Իրավունք բոլորի համար" ծրագիրը, որին մասնակցում էին Հայկական Բաց համալսարանի Իրավաբանական կլինիկայի թվով 12 ուսանողներ:

Երեք օրերի ընթացքում Իրավաբանական կլինիկայի ունկնդիրները ձեռք բերեցին "մարդու իրավունքների և հիմնարար ազատությունների պաշտպանության մասին" Եվրոպական կոնվենցիայի վերաբերյալ խորը մասնագիտական գիտելիքներ և պրակտիկ հմտություններ մարդու իրավունքների ոլորտում արդյունավետ պաշտպանություն իրականացնելու համար:

Դասընթացի ավարտին նրանք ստացան համապատասխան վկայագրեր, որոնց հիման վրա յուրաքանչյուրը ՀՀ չորս միջազգային դպրոցների 8-10-րդ դասարաններում կդասավանդի "Մարդու իրավունքներ" առարկան: Սեմինար թրեյնինգն անցավ նպատակային, որի վերջնական արդյունքները կամփոփվեն դպրոցներում դասավանդումն իրականացնելուց հետո: