Կրթության Միջազգային Ակադեմիան հիմնադրվել է 2006 թ.-ին` իր կազմում ընդգրկելով.

• Երևանի Հայբուսակ Համալսարանը,
• Հայկական Բաց Համալսարանը,
• Լազարյանի Միջազգային Հարաբերությունների Ինստիտուտը և
• Հայբուսակ Համալսարանի բազային քոլեջը:

Այս ուսումնական հաստատություններից յուրաքանչյուրն անցել է իր ուրույն ուղին, Հայաստանի կրթական համակարգում զբաղեցրել է իր հատուկ տեղը և ունեցել է բազմաթիվ հաջողություններ: Այսօր բուհերը միավորվում են է’լ ավելի փայլուն արդյունքներ ցուցաբերելու ակնկալիքով: Կրթության Միջազգային Ակադեմիայում կրթությունը անց է կացվում երեք լեզուներով` հայերեն, ռուսերեն և անգլերեն, ըստ դիմորդի ցանկության:

Երևանի «Հայբուսակ» համալասարանը հիմնադրվել է 1990 թ.-ին ակադեմիկոս Լևոն Հարությունյանի կողմից և դարձել է անկախ Հայաստանի առաջին մասնավոր բուհերից մեկը:

Ընդամենը քսան տարեկան համալսարանը արդեն տվել է 6000 շրջանավարտ, ունի շուրջ 5400 ուսանող, 300 դասախոս (48 գիտությունների դոկտոր, պրո‎ֆեսոր, 64 գիտությունների թեկնածու, 12 ակադեմիկոս) և բազմաթիվ նվաճումներ:

Լիցենզավորվել է ՀՀ կրթության եւ գիտության, առողջապահության նախարարությունների կողմից:

1999-2001 թթ. մասնակցել է ՀՀ-ում կրթության որակի գնահատման գործընթացին և ստացել պետական հավատարմագրեր, ինչը թույլ է տալիս համալսարանի շրջանավարտներին ստանալու պետական դիպլոմներ` նրանց իրավունք վերապահելով աշխատելու Հայաստանի Հանրապետության պետական ու մասնավոր հիմնարկներում, ինչպես նաեւ արտերկրում (ԱՊՀ-ի բոլոր հանրապետություններում, Ամն-ում, Եվրոպայում, Սիրիայում, Լիբանանում, Իրանում, Քուվեյթում, Հունաստանում եւ այլ երկրներում):

Համալսարանն ունի երեք ‎ֆակուլտետ`

• Բժշկական` բուժական գործ, ստոմատոլոգիա, դեղագործություն մասնագիտություններով;
• Տնտեսագիտական` ձեռնարկությունների էկոնոմիկա և կառավարում, մենեջմենթ, հաշվապահական հաշվառում և աուդիտ, ին‎ֆորմատիկա մասնագիտություններով;
• Հումանիտար` ռոմանագերմանական բանասիրություն, մանկավարժություն և տարրական կրթության մեթոդիկա մասնագիտություններով:

Համալսարանում գործում է առկա, հեռակա և անհատական ուսուցում, ասպիրանտուրա, կլինիկական օրդինատուրա, մասնագիտական վերապատրաստման թրեյնինգներ և դասընթացներ: Ուսուցումը երկաստիճան է` բակալավրիատ (4տարի), մագիստրատուրա (2տարի): Համալսարանում ուսանում են թե՛ Հայաստանի Հանրապետության, թե՛ արտերկրի քաղաքացիները: Կրթությունը անց է կացվում երեք լեզուներով` հայերեն, ռուսերեն և անգլերեն՝ ըստ դիմորդի ընտրության: Համալսարանի շրջանավարտները աշխատում են Հայաստանի Հանրապետության և արտերկրի պետական և մասնավոր հիմնարկներում և կազմակերպություններում:

Հայբուսակ համալասարանն իրականացնում է լայնածավալ հրատարակչական գործունեություն:

Մեր գիտական ներուժի հետազոտությունների արդյունքները հրատարակվել են դասագրքերի, ուսումնամեթոդական ձեռնարկների, բրոշյուրների տեսքով, գործնական օգնություն են դասախոսներին եւ ուսանողներին:

 

Կարող եք ուղարկել ընդունելության հայտ՝ օգտվելով մեր կողմից առաջարկված առցանց (Online) տարբերակից: