Լ. Քալաշյանի անվան Հայկական Բաց Համալսարանը հիմնադրվել է 1990 թ-ին ակադեմիկոս Լորիս Քալաշյանի կողմից: Պետության կողմից հավատարմագրվել է 2001 թ-ին, այժմ ունի շուրջ 1400 ուսանող, որոնք սովորում են հետևյալ ‎ֆակուլտետներում:

 

 

 

 

Իրավունք և Տնտեսագիտություն`

• իրավագիտություն,
• բիզնեսի էկոնոմիկա և կառավարում,
• ինֆորմատիկա :

Հումանիտար`

• դիվանագիտություն /միջազգային հարաբերություններ/,
• օտար լեզուներ,
• հոգեբանություն և մանկավարժություն

Դիզայնի`

• հագուստի մոդելավորում և դիզայն,
• դիզայն /էքստերիեր, ինտերիեր/,
• կերպարվեստ

Համալսարանում գործում է առկա և հեռակա ուսուցում: Ուսուցումը երկաստիճան է` բակալավրիատ (4տարի), մագիստրատուրա (2տարի): Հայկական Բաց համալսարանը հավատարմագրված է պետության կողմից, այն տվել է մոտ 3000 շրջանավարտ, որոնցից երեք գիտությունների թեկնածուներ: Պատրաստել է տասից ավելի դասախոսներ, որոնք դասավանդում են Բաց Համալսարանում:

Շրջանավարտների մեծ մասը աշխատում է ՀՀպետական մարմիններում ,և մասնավոր հիմնարկ - ձեռնարկություններում ՀՀ-ում և արտերկրում,արդարադատության, կրթության, ժողտնտեսության տարբեր ճյուղերում:

Մանկավարժության և հոգեբանության բաժնի շրջանավարտներն աշխատում են դպրոցներում և այլ ուսումնական հիմնարկներում:

Հանրապետությունում և նրա սահմաններից դուրս մեծ ճանաչում են գտել դիզայնի և կերպարվեստի բաժինների շրջանավարտները, որոնցից շատերը աշխատում են խոշոր կազմակերպություններում, մասնակցում միջազգային ցուցահանդեսների և կազմակերպում անհատական ցուցահանդեսներ:

2005, 2006, 2007 թթ. համալսարանը շահել է կերպարվեստի բնագավառում միջազգային դրամաշնորհ:

2007 թ համալսարանը ձեռք է բերել սեփական մասնաշենք Երևանի կենտրոնական վայրերից մեկում (Կոմիտասի պողոտա Գրիբոյեդովի 15 ), որտեղ ստեղծված են բոլոր անհրաժեշտ պայմանները ժամանակակից, լիարժեք կրթություն ստանալու համար: