|
Սեպտեմբերի 20-ին տեղի ունեցավ ԿՄԱ գիտական խորհրդի հանդիսավոր ընդլայնված նիստը՝ նվիրված մեր Անկախության 20-ամյակին: Այս լուսավոր տոնն առիթ դարձավ ևս մեկ անգամ հիշելու և հարգանքի տուրք մատուցելու նրանց, ում ջանքերով ձեռք է բերվել Անկախությունը և պարգևատրելու մեր բուհերի վաստակաշատ դասախոսներին:
 Կրթաթոշակներ սահմանվեցին ԿՄԱ 20 ուսանողների համար, որոնք զոհված ազատամարտիկների զավակներ են:
Պատվավոր պրոֆեսորի կոչումներ շնորհվեցին այն դասախոսներին, ովքեր Կրթության Միջազգային Ակադեմիայում աշխատել են երկար ժամանակ և մեծ ավանդ ունեն պատանի սերնդի կրթության գործում:
Ուսանողական պառլամենտը հանդես եկավ նախաձեռնությամբ՝ շնորհակալագիր հանձնել կրթության և մշակույթի հարցերում անուրանալի վաստակ ունեցող, ուսանողությանն ու մտավորականությանը մշտապես աջակցող բարեգործ, գործարար, «Բարգավաճ Հայաստան» կուսակցության նախագահ Գագիկ Ծառուկյանին: Առաջարկը միաձայն ընդունվեց բուռն ծափահարություններով և ջերմ եռանդով:
|
