Դեկտեմբերի 18-ին ժամը 18-ին Երևանի Հայբուսակ համալսարանը նշում է իր քսանամյակը: Տոնական հանդիսությունը տեղի կունենա Արամ Խաչատրյանի անվան Ֆիլհարմոնիայի Մեծ դահլիճում:

Հանդիսավոր արարողության ընթացքում մենք կխոսենք մեր ձեռքբերումների մասին, երախտիքի խոսք կուղղենք կրթության ոլորտի այն գործիչներին, որոնց ջանքերով Հայաստանում հիմնվեց մասնավոր կրթությունը, ինչպես նաև հարգանքի տուրք կմատուցենք քաղաքականության, մշակույթի և բիզնեսի նշանավոր գործիչներին: Հանդիսավոր արարողությունը կուղեկցվի համերգով:

Հրավիրում ենք մեր բոլոր ուսանողներին, դասախոսներին, շրջանավարտներին և բոլոր ցանկացողներին ներկա գտնվել հանդիսավոր արարողությանը: Հրավիրատոմսեր ձեռք բերելու համար զանգահարել 39-06-98 հեռախոսահամարով: