«Ով ձգտում է մեծագույն սխրանքների՝

մեծագույն փորձությունների պիտի ենթարկվի»։

Ռաֆայել Մնացականյան.

ԿՄԱ Մշակութային խորհրդի նախագահ:

Ծնվել եմ ՌԴ Նովոսիբիրսկ քաղաքում։ 1996-ին Ընտանիքով տեղափոխվել ենք Երևան։ 1996-ից ընդունվել եմ Իսակովի անվան №132դպրոց իսկ 2006-ին ավարտել եմ գերազանց առաջադիմությամբ։ Աշակերտական տարիներին խաղացել եմ դպրոցի թատրոնում, արժանացել տարբեր մրցանակների դերասանական խաղի համար։ 2003-2006 աշխարհագրության օլիմպիադայի քառակի դափնեկիր։ 2003-2005թ. խաղացել ՈՒ.Հ.Ա. (KBH) արժանացել խմբի լավագույն խաղացող մրցանակին: Baron BR Production-ի հիմնադիր: 2006-ին ընդունվել եմ Երևանի Հայբուսակ համալսարանի ստոմատոլոգիական ֆակուլտետ։ 2007-ին ԿՄԱ ռուսաց լեզվի և համաշխարհային գրականության ամբիոնի հետ համատեղ ստեղծեցի «Հայբուսակ» թատերախումբը 2007-ի փետրվարին ստեղծեցի ԿՄԱ Օրհներգը։ Նույն տարին աշխատել եմ Հանրային հեռուստաընկերությունում որպես ադմինիստրատոր։ Երկու տասնյակից ավել երգերի հեղինակ, բանաստեղծ։ 2009-ին նկարահանել եմ «Մոլորված Հոգի» ֆիլմը՝առաջին հայկական միստիկ կատագերգությունը։ Նույն այդ տարին ընդունվել եմ Մշակույթի նախարարության Երևանի էստրադային և ջազզային արվեստի պետական քոլեջ։ Նկարահանել եմ նաև «Ազատ անկում», «Կյանքիս լավագույն առավոտը» կատագերգությունները,որոնց համար արժանացել եմ պատվոգրերի։

Տասնյակ մեծամաշտաբ միջոցառումների հաղորդավար։ 2010-ի օգոստոսի 7 նշանակվել եմ Կրթության Միջազգային Ակադեմիայի Մշակութային խորհրդի նախագահ։ UNI BEST միջուսանողական, միջբուհական մրցույթ-փառատոնի կազմակերպիչ և գեղարվեստական ղեկավար։ Ռադիո MAO-ի հիմնադիր տնօրեն։ Երաժշտություն, կինո, թատրոն...

Այս բոլորն ինձ հրապուրում է: Փորձեցի, հաջողվեց, սակայն քիչ է... Թևեր եմ ուզում, ճախրել եմ ուզում անամպ երկնքում, ուզում եմ վերևից տեսնել այն, ինչ չեմ տեսնում այստեղից, շտկել եմ ուզում, օգնել եմ ուզում, ստեղծել եմ ուզում... Նոր մտահղացումները ինձ մոտ ամենօրյա բնույթ են կրում։ Իհարկե, հնարավոր չէ բոլորը կյանքի կոչել և եթե անգամ մեկը, երկուսը ստացվում են, դա արդեն ձեռքբերում է։ Նաև չի կարելի մոռանալ, որ յուրաքանչյուր ցանկություն մահ է գտնում իր բավարարության մեջ։

Ազգերը հզոր են իրենց մշակույթով, իսկ մենք, ամենահարուստ մշակութային արժեքներ ունեցող ազգերից ենք: Հայրենասիրության ճիշտ չափանիշը օգտակար ու գեղեցիկ կյանքով ապրելն է: Մենք պետք է միավորվենք, բռունցքվենք, բարին խորհենք, բարին գործենք, բարին արարենք։